為國賣命 呢班老兵仲砌得!

為國賣命 呢班老兵仲砌得! 2017年08月30日 06:32Tweet 東網電視更多新聞短片 即上英超刨績王:http://win.on.cc/epl 朗尼今季脫「魔」重生,當球迷以為佢會大展拳腳,帶領英格蘭衝擊明年俄羅斯世盃冠軍寶座,但佢選擇做「逃兵」,年僅31歲就宣布退出國家隊。反觀一班比佢年紀更大嘅老將,仍然堅持為國賣命,有人願意苦等多時獲重召,亦有人推倒退役決定「重新入伍」,呢班「老兵」盡一份力為國家隊效命,等自己最後一次喺國際賽舞台綻放餘暉。鬥牛兵團鬧射手荒 韋拿出山解困局西班牙今期大軍名單出現「穿越」奇景,已成為「古人」嘅韋拿榜上有名!呢位35歲前鋒喺上屆世界盃後退出國家隊,估唔到相隔3年又復出,皆因佢愈老愈可愛,今季美職23次上陣轟入19球,狀態弗過唔少當打射手,令西班牙主帥洛佩特吉力邀佢出山。事實上,西班牙現時鬧射手荒,迪亞高哥斯達因為轉會問題冇波踢,缺態落選,韋圖受傷退隊,「鬥牛兵團」嚟緊周日凌晨世盃外圍賽主場對意大利,只得艾華路莫拉達呢位正宗前鋒,韋拿身為「鬥牛兵團」史上入波最多球員,依家西班牙有難,梗係要挺身而出啦。韋拿年齡:35 國籍:西班牙效力球會:紐約城國家隊上陣/入球:97次/59球國際賽主要榮譽:2008年歐國盃冠軍、2010年世界盃冠軍艾帥重組老人兵團 尹佩斯挺身救國2015年10月之後再冇為荷蘭披甲嘅尹佩斯,今次獲重召,佢當然樂意效勞啦。尹佩斯係荷蘭國家隊史上入波最多嘅球員,但因近年狀態下滑兼轉戰土超,畀前任主帥白蘭特棄用,今年5月前費倫巴治教練艾禾卡特執掌荷蘭帥印,佢深知舊部尹佩斯有料到,順理成章搵佢再次拍住上。「橙衣兵團」因換班失敗,無緣2016年歐國盃,艾禾卡特搵番尹佩斯、史奈達同洛賓重組「老將三劍俠」,要令荷蘭重拾威勢,特別係嚟緊世盃外圍賽硬撼法國,荷蘭再唔贏出線機會就愈來愈渺茫,尹佩斯成為球隊翻生希望。尹佩斯年齡:34 國籍:荷蘭効力球會:費倫巴治國家隊上陣/入球:101次/50球國際賽主要榮譽:2010世界盃亞季、2014年世界盃季軍苦等3年半冇氣餒 迪科爾穩重耆英迪科爾比朗尼大3歲,多年來只屬邊緣國腳,但從冇放棄為「三獅兵團」效力,即使苦等近3年半,都冇氣餒,今年3月終於獲英格蘭新帥修夫基重召,佢仲立即喺對立陶宛嘅世界盃外圍賽入波,協助英軍贏波,證明自己仍然有心有力。雖然英格蘭現時有當紅射手哈利卡尼、新星拉舒福特等鋒線猛將,但迪科爾勝在夠穩重,願意耐心等候機會,正係後備殺手最需要嘅條件,當比賽處於膠着時候,迪科爾隨時擔當「破局」角色。英格蘭今年當旺,先後奪得世青盃及U19歐國盃冠軍,如果明年可以一舉捧埋世界盃,「逃兵」朗尼就真係喊都無謂。迪科爾年齡:34 國籍:英格蘭効力球會:般尼茅夫國家隊上陣/入球:57次/20球國際賽主要榮譽:/經驗豐富隨傳隨到 卡希爾關鍵先生卡希爾堪稱為澳洲球壇傳奇人物,由巔峰時期效力英超愛華頓,到轉戰美職、中超,以至上年返澳職搵食,唯一不變係堅持為國家隊披甲。澳洲由大洋洲區轉戰亞洲區之後,優勢並唔明顯,目前喺世界盃外圍賽爭出線形勢陷入被動,更加需要卡希爾嘅大賽經驗撐起球隊,佢喺上年外圍賽作客阿聯酋,為澳洲一箭定江山,取得重要3分,發揮「關鍵先生」作用。澳洲將於周四晚世盃外圍賽作客同出線勁敵日本,賽果影響球隊能否直接晉身明年俄羅斯決賽周,大家「留名」等睇卡希爾再做救國英雄!卡希爾年齡:37 國籍:澳洲効力球會:墨爾本城國家隊上陣/入球:100次/48球國際賽主要榮譽:2004年大洋洲盃冠軍、2015年亞洲盃冠軍講明決賽周後退役 保方盡力散餘暉「保方接班人」呢句說話,對好多意大利守門員嚟講,仲難聽過粗口,事關39歲嘅佢雄據意大利首席門近20年,期間出現過多位「接班人」,但結果都係坐喺後備睇保方表演,皆因保方長年保持巔峰水平,其他意國門將難望其項背,就算保方想退隊,球迷都唔制啦。不過一眾「接班人」機會終於來了,保方講明踢完明年世盃決賽周,就會退出國家隊,但最後會唔會反口就不得而知。值得一提由1970年開始,意大利每隔12年就會打入世盃決賽,明年正係距離佢哋2006年捧盃12年,話唔定保方會重演1982年索夫以40歲之齡捧起世盃嘅好戲。保方年齡:39 國籍:意大利効力球會:祖雲達斯國家隊上陣/入球:169次/0球國際賽主要榮譽:2006年世界盃冠軍、2012年歐國盃亞軍東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|保健食品|蜂王乳|蝦青素|PPLS|磷蝦油|蝦紅素|芙婷寶|青春元素|血栓溶解酵素|南極寶|膠骨力|蚯蚓粉|地龍粉|智勝王|健康食品|蜂王漿|地龍酵素|膠股力|力雪達

發表迴響

你的電子郵件位址並不會被公開。 必要欄位標記為 *