【港超專版】李志豪:我係斯文溫柔型老竇

【港超專版】李志豪:我係斯文溫柔型老竇 2017年08月30日 00:23Tweet 東網電視更多新聞短片 「虎爸」講到明唔會做「虎爸」。 在「怪獸家長」當道的香港,要當一位嚴厲管教、望子成龍的「虎爸」並不容易!新球季轉投東方龍獅的「虎哥」李志豪,預計會在下周三(9月6日),名正言順榮升「虎爸」!不過,出道以來一向我行我素的「虎哥」,卻直言自從「虎媽」有喜後,自己的EQ「被鍛煉」到不再火爆,更加一反常態表明想走慈父路線,「虎爸」唔想做「虎爸」!港隊周四(31日)會作客新加坡踢熱身賽,備戰下5日(周二)對馬來西亞的亞洲盃外圍賽,但大軍名單缺少了李志豪的名字。原來這位代表港隊次數最多的紀錄保持者,早已向「Kim Sir」申請「侍產假」,坐定定等待9月6日迎接寶貝女。自從太太Cymbie有喜後,「虎哥」便與中甲梅州客家解約回歸港超聯,並加盟東方龍獅,期望變身「住家好男人」照顧愛妻。雖然是新手Daddy,但「志豪」對自己信心十足︰「媽媽以前有幫人湊小朋友,我細個幫過手有經驗,早排亦上咗4堂學餵奶同換尿片,應該冇乜難度。」他透露婚前也有想過生小朋友,但太太有喜是「意料之外」︰「之前見到同期港隊隊友好似陳偉豪、張健峰都生晒BB,都有諗過幾時到我生番個一齊玩,咁啱得咁蹺,無啦啦有咗,但依家成家立室,時間都算啱啱好。」這個「意外驚喜」亦令過去走型格路線的「虎哥」,給人煥然一新的感覺︰「依家有個女唔同晒,以前性格火爆,鍾意點就點,但依家照顧太太同個女,要顧全大局,唔可以咁衝動。」他又笑言自己EQ已改善不少︰「老婆佗B嘅時候脾氣大,發脾氣嗰陣要又忍又氹,所以EQ好咗好多。」雖然有「虎哥」的外號,但李志豪就想做個慈父,拒絕做「虎爸」︰「我覺得自己會係溫柔斯文,同個女傾偈嗰種爸爸,一定唔會體罰佢。」李志豪還特意找風水師傅幫囡囡擇個吉日出世,並改名「芯語」,寓意囡囡衣食無憂,聰明伶俐,盡顯細心一面。不過作為「麻甩佬」的他,訪問途中就發短訊問老婆︰「阿女個名點寫?」難掩粗心一面。談及家庭將來,年屆34歲的「虎哥」亦有為退役後的生活打算過︰「太太沒有給我壓力養家,叫我『想做咩就做』。稍後我準備考教練牌,也有可能做生意。」然而,曾經自稱是「足球天才」的他就不希望女兒將來繼承衣缽︰「唔鍾意女仔踢波,最好唔好掂咁多運動,畫畫練琴就得,斯文啲好。」 揀女婿要似偉豪「張峰」 唔可以花弗好似『阿邊個咁』雖然囡囡還在媽媽懷內,但「慈父虎」已經諗定選婿條件︰「做我女婿嘅條件要好高,嫁到個好似我咁款就最好,但應該好難搵到我呢啲『絕種好男人』!咁其實似陳偉豪、張健峰都收貨,因為佢兩個夠顧家,但一定唔可以花弗,好似『阿邊個咁』就一定唔得!」「虎哥」更搞笑地表示未打算指腹為婚,將寶貝女許配「偉豪」的兒子,因為只想跟他做隊友,而不想做親家!

分享更多閱讀請至以下|PPLS|芙婷寶|保健食品|青春元素|力雪達|膠骨力|地龍粉|血栓溶解酵素|蝦青素|磷蝦油|地龍酵素|膠股力|健康食品|蜂王乳|蝦紅素|蜂王漿|南極寶|蚯蚓粉|智勝王

發表迴響

你的電子郵件位址並不會被公開。 必要欄位標記為 *