【神Deal】紅軍簽到基達 但下季先嚟!

【神Deal】紅軍簽到基達 但下季先嚟! 2017年08月28日 22:11Tweet 東網電視更多新聞短片 (互聯網圖片) 即上英超刨績王:http://win.on.cc/epl 努力咗成個夏天,利物浦終於成功簽入頭號收購目標、RB萊比錫中場拿比基達,但佢要到下季初先正式加盟!領隊高普一直心儀呢位畿內亞國腳,早前紅軍曾斥巨資6600萬鎊力斟,但萊比錫不為所動。現時兩會已經傾掂數,拿比基達只要於英國時間周一通過體測,就會完成交易,價錢為4800萬鎊。拿比基達今年22歲,係個Box to box全能型中場,上季萊比錫勇奪德甲亞軍,佢功勞極大。拿比基達最叻轉守為攻,其飛快速度啱晒高普套Heavy metal進攻足球踢法,難怪呢名德國教頭貴一貴都要買佢。萊比錫今季有得踢歐聯,故會方堅拒唔肯放人,不過拿比基達已表明想離隊,而佢合約當中,列明今季尾邊隊出得起4800萬鎊就可將佢買斷,唔少利迷都擔心,紅軍到出年夏天會搶輸畀一眾歐洲列強,同拿比基達擦身而過。但原來拿比基達一早已情傾紅軍,萊比錫終於肯賣佢畀利物浦,不過踢埋今季先放人。雖然要等一季,但終算成功收購,相信高普同利迷都會滿意。紅軍今季雙翼齊飛,兩名非洲兵沙迪奧文尼同穆罕默德沙拿勁屈速,已經搞到英超守衞聞風喪膽,下季再增非洲力量,攻力肯定又再升呢!東網體育同你追實體壇每個精彩時刻! http://bit.ly/2ecTF2A 

分享更多閱讀請至以下|血栓溶解酵素|膠骨力|蝦紅素|PPLS|蚯蚓粉|力雪達|蜂王乳|智勝王|南極寶|地龍粉|地龍酵素|青春元素|健康食品|芙婷寶|保健食品|磷蝦油|蜂王漿|膠股力|蝦青素

發表迴響

你的電子郵件位址並不會被公開。 必要欄位標記為 *