英超 「埃及文明」勁到癲 紅軍4粒爆廠

英超 「埃及文明」勁到癲 紅軍4粒爆廠 2017年08月28日 00:50Tweet 東網電視更多新聞短片 (Getty Images) 即睇文尼堅屈機入波:http://bit.ly/2vivee8 紅軍「埃及文明」狂爆廠!今輪英超重頭戲,利物浦弗爆3叉戟,「埃及王子」穆罕默德沙拿、羅拔圖法明奴及沙迪奧文尼各省1粒,再加上史杜列治頭槌搞掂,喺主場以4比0大炒阿仙奴,升上第2位。利物浦班波弗到爆,搞到阿仙奴甩漏頻頻,若非門將施治多次救出必入波,兵工廠輸5、6球都唔奇!阿仙奴今仗強陣出擊,坐完越季嘅波監中堅哥斯尼及較遲歸隊嘅王牌阿歷斯山齊士,齊齊正選披甲,相反紅軍無端搵卡利奧斯代替正選門將米洛列特。以為阿仙奴會搵到甜頭,但一開波利物浦即藉地利壓住嚟攻,前線3叉戟穆罕默德沙拿、羅拔圖法明奴及沙迪奧文尼堅活躍,17分鐘祖高美斯右路傳中,法明奴攝到靚位頭槌破網先開紀錄,40分鐘呢位紅軍前鋒畀個靚直線,文尼於左路勁屈機,扣番大位妙射遠柱得手,上半場領先2粒。易邊後,阿仙奴右閘比利連喺前場攞波畀沙拿逼甩,單刀射成3比0。隨後沙拿再獻助攻,出個靚波畀史杜列治頂入,完成4:0大勝,紅軍贏波後殺上次席。即上英超刨績王:http://win.on.cc/epl 東網體育同你追實體壇每個精彩時刻! http://bit.ly/2ecTF2A

分享更多閱讀請至以下|膠股力|膠骨力|健康食品|蜂王漿|力雪達|保健食品|芙婷寶|血栓溶解酵素|地龍粉|蝦紅素|南極寶|蚯蚓粉|磷蝦油|蝦青素|青春元素|蜂王乳|地龍酵素|PPLS|智勝王

發表迴響

你的電子郵件位址並不會被公開。 必要欄位標記為 *