【跨界大戰】梅韋特TKO麥基哥!50戰全勝

【跨界大戰】梅韋特TKO麥基哥!50戰全勝 2017年08月27日 13:05Tweet 東網電視更多新聞短片 梅韋特(右)喺第10個回合TKO麥基哥。(Getty Images圖片) 「不敗拳王」梅韋特同「UFC冠軍」麥基哥合演嘅跨界大戰,香港時間周日喺美國拉斯維加斯爆發。結果梅韋特喺第10個回合TKO麥基哥,完成職業生涯50戰全勝傳奇,而且消息話佢有1億美金拳酬,比起對方得3,000萬美元好搵得多,絕對係名利雙收。比賽吸引大批演藝界名人,同埋體壇巨星例如泰臣同勒邦占士到場觀戰。經過第1回合嘅試探,梅韋特喺第2回合嘗試採取主動進攻,但由於麥基哥喺身高同臂展上佔優,搞到佢一度陷入劣勢,甚至需要彎低身抱頭防守。不過梅韋特始終係不敗拳王,唔止曾經出重拳打到麥基哥頭都歪埋,仲喺第9個回合出重拳直中對方塊面,同埋喺第10個回合用連環拳追住對方打,搞到拳證覺得麥基哥已經唔適合繼續比賽嗌停,並且判梅韋特以TKO勝出比賽。今場大戰話題性十足,有莊家透露賽前收到大量買梅韋特贏嘅投注,包括有高達120萬美元嘅注碼,估計今次賽事,投注金額會打破拉斯維加斯紀錄,同時創造出10億美元商業價值,比起前年梅韋特對帕克奧嘅世紀大戰,創造出6億美元商業價值更誇張。東網體育同你追實體壇每個精彩時刻! http://bit.ly/2ecTF2A 

分享更多閱讀請至以下|蝦紅素|芙婷寶|蜂王漿|膠股力|南極寶|蜂王乳|健康食品|地龍酵素|保健食品|力雪達|血栓溶解酵素|蚯蚓粉|膠骨力|磷蝦油|智勝王|蝦青素|青春元素|地龍粉|PPLS

發表迴響

你的電子郵件位址並不會被公開。 必要欄位標記為 *