港超聯 超重量級揭幕戰!傑志火併東方龍獅

港超聯 超重量級揭幕戰!傑志火併東方龍獅 2017年08月25日 00:13Tweet 東網電視更多新聞短片 「宿敵對決」! 收看直播,請按直播ICON,或按下面鏈結:http://tv.on.cc/live 新一季的「中銀人壽香港超級聯賽」周五(25日)晚揭開序幕,由傑志於旺角場火併東方龍獅!上季在聯賽戰至最後一輪擊敗東方龍獅後奪冠的傑志,開咧戰便再與其爭標宿敵碰頭。究竟衞冕的傑志能否先下一城,抑或於今夏轉會市場積極增兵的東方龍獅可以全取3分?鍊過就知喇!朱志光:平常心看待今場波於去季後上封王的傑志,是一眾港超球隊之中,新季人腳變動最少的一隊,今夏新兵有從和富大埔來投的盧卡斯,以及從中甲回流的保連奴和舊將安基斯回巢。上季帶領傑志榮膺「3冠王」,並獲選為年度最佳教練的朱志光強調,球員紀律、爭勝心以及穩定性等,是球隊爭取衞冕的重要元素,並不會因揭幕戰面臨大敵而有特別安排:「雖然係對東方,但會以平常心看待。始終聯賽屬長途戰,唔會為呢場波而特別緊張。足球比賽有勝有負,但係球隊落到場最基本要發揮到部署。每個球員都知道,想爭取聯賽冠軍一定要有穩定嘅表現。」傑志除了保連奴仍在養傷外,守衞唐建文及金東進亦有傷在身,未能趕及今仗上陣。今夏於轉會市場表現活躍的東方龍獅,共有7名新球員加盟,包括李志豪、張健峰、羅港威及林學曦4位本地球員,外援方面則有前芬蘭國腳前鋒古高、巴西中場沙巴和南韓中堅曹泰根來投,同時教練團方面更有李健和及羅繼華回巢,並由司徒文俊擔任總教練一職。司徒文俊:球員狀態Keep得唔錯東方龍獅季前先後曾到內地及泰國集訓,更於日前開始成功從港大借用真草場作操練,可謂準備充足,惟前線方面較多傷兵,其中李康廉與沙巴於周二的操練期間僅在場邊跑步,洛迪古斯亦只於操練尾段在場邊拉筋。惟總教練司徒文俊對今晚贏波仍有信心:「球員經過集訓後,狀態尚算唔錯,而大部份球員都有踢足90分鐘,球隊當然仲有進步空間,不過目前表現理想,希望喺理想嘅練習環境下,可令球員提升表現。」賽事資料傑志 Vs 東方龍獅時間︰晚上8時場地︰旺角大球場票價︰120元、40元(特惠票)藍鳥變動少黃洋話係優勢傑志於今夏轉會窗較東方龍獅淡靜,「藍鳥」中場黃洋就認為這反映出球隊的優勢:「今年教練團同陣容都冇太大變化,原班人腳上陣,球隊亦沿用上季戰術,令發揮更加穩定,希望可以延續上年最後1場嘅氣勢,再次贏東方。」對於東方龍獅積極擴軍,黃洋透露有留意對手的新外援前鋒古高,但認為盧卡斯的加盟可以幫助傑志在戰術上有更多變化:「東方係最重要嘅對手,每次對佢哋都會影響最終爭冠條路。我知道對手古高效力過好高級嘅聯賽,會有針對性嘅部署,但係我哋都有盧卡斯加盟,佢身體質素好好同踢法好有侵略性,令我哋喺前場嘅戰術可以有唔同風格。」自動加操麥基想射術升呢港超今夏幾乎全部球隊均有出外集訓,而東方龍獅更先後前往佛山及泰國進行季前集訓,前鋒麥基則透露,自己在集訓期間自行加操,希望藉此改善自己的射術:「今季開咧戰就要對住傑志,不過遲早都要踢,惟有接受安排,好在經過內地同泰國嘅集訓之後,球隊同自己狀態都保持得唔錯,我自己喺泰國期間,喺操練完成後亦有搵『羅Sir』(羅繼華)同我加操,希望強化自己嘅射術,特別喺First touch方面,再加上我喺集訓期間亦跟前鋒拍檔古高同房,所以無論喺場內場外同佢嘅認識都加深咗,默契方面絕對有幫助,希望能夠一齊合作創出佳績。」

分享更多閱讀請至以下|蜂王漿|蚯蚓粉|保健食品|膠骨力|蝦青素|南極寶|力雪達|地龍酵素|健康食品|蜂王乳|青春元素|智勝王|血栓溶解酵素|磷蝦油|膠股力|地龍粉|蝦紅素|PPLS|芙婷寶

發表迴響

你的電子郵件位址並不會被公開。 必要欄位標記為 *