提前視察!精選電腦節5大蒲點

提前視察!精選電腦節5大蒲點 2017年08月24日 20:37Tweet 東網電視更多新聞短片 全港唯一電競水冷枱Zenus Gaming Desk搶先曝光! 香港電腦通訊節2017明日開鑼,東網生活今日就同大家提前入場視察環境,順道精選5個必去蒲點,好等大家有個預算嘛。為了搭個靚Booth等大家明日安心行Show,聽講唔少老友記無懼昨日十號波吹襲,依然留守在會場加緊布置,忍唔住都要講句佩服呀!提提大家,展期每日首50名進場朋友,可獲贈Logitech K380藍牙鍵盤乙個。而且每日下午一時前以正價購票進場,更享買一送一優惠呢。機迷必蒲「E-Sports Festival 2017」連續3屆於電腦節場內舉行的E-Sports Festival 2017,一如以往攤位設於展區左側角落,當大家明日於Hall 1B入口進場時,就會被呢個耗資HK$500萬打造的超巨型電競舞台所震攝,今年不少賽事規模全面升級,單是首日華碩主辦《CS:GO》ROG Masters選拔賽,誕生的冠亞隊伍將免費遠赴台北出戰資格賽,齋聽都一定要駐足欣賞啦。此外《英雄聯盟》更首度為官方認可主辦及加入女子隊賽事,雲集世界強隊一決高下。同場亦有HP by OMEN和Zotac體驗區,前者可試盡規格最強筆電配置,後者一邊坐Zotac電競椅並以Zotac迷你電競Desktop打機,不亦樂乎呀!神魔女將 陪你手遊抽虛寶同樣設於電競節攤位內,Madhead熱爆港台的手遊《神魔之塔》將殺入電腦節,大擺「神魔格鬥擂台」,讓高手們互相轉珠較勁,勝出者可獲豐富魔法石之餘,更有機會搶先獲得未開放的《神魔》x《拳皇》角色!此外4位台灣神魔女將將會每日陪住大家,如果粉絲想近距離接觸玩遊戲影影相,記得下午2時去舞台搵佢哋啦。ASUS ROG 電競水冷枱曝光 攤位:D01電競潮牌ASUS ROG一如以往於會場展出多種打機配置,當中包括會場每日10件限定首賣的27吋曲面XG27VQ電競顯示器,周六日更有拍賣活動。不過另一焦點肯定是集結多個電競品牌打造、全港唯一電競水冷枱Zenus Gaming Desk,黑色配以玻璃枱面設計採用Zenox高低升降電競枱,內裏選配Intel Core i9-7900X處理器、ASUS ROG STRIX GTX1080Ti顯示卡,配合CoolerMaster及Barrow散熱系統,在玻璃下呈現Aura Sync幻彩水冷燈效,直係型到爆炸呀!Logitech G Store 場內任玩體驗 攤位:B01 & C01延續電競音樂節聲勢,今年Logitech G Store電競試玩區將提供多款新產品體驗,如G903 LIGHTSPEED無線遊戲滑鼠、Saitek X52 Pro PC飛行控制搖桿等。大家可以在遊戲區即場試用,合心水的話仲可以早鳥優惠價拎番屋企呢!另外配合即將上市的人氣競速遊戲《GT Sports》,玩家更可以筍價購入G29 Driving Force軚盤套裝,價錢絕對平通全港九,各位玩賽車Game無理由用手掣咁頹廢啩!AVITA新登場 HK$825拎走LIBER 攤位:G01美國新進腦牌AVITA登陸香港,並首次參展電腦節即帶來激安優惠,事關開幕當日首10位到臨攤位的朋友,即可以破天荒優惠價HK$825購買AVITA LIBER Glamour Collection 13.3吋金銀配色指定型號筆電。AVITA LIBER的鋁金屬機身以精密工序製作,機身最薄只有5毫米,重量輕至1.37kg,續航力長達10小時。大家可以率先試用外,同場更首次展出Nextgo商務筆電,有興趣的朋友記得霸定位啦。「香港電腦通訊節2017」日期:2017年8月25日至28日地點:灣仔香港會議展覽中心一號展覽廳日期:8月25日(星期五)10:00 – 21:308月26日(星期六)10:00 – 21:308月27日(星期日)10:00 – 21:308月28日(星期一)10:00 – 18:00

分享更多閱讀請至以下|南極寶|蝦青素|芙婷寶|膠骨力|血栓溶解酵素|地龍酵素|力雪達|膠股力|地龍粉|健康食品|蜂王漿|蜂王乳|青春元素|蚯蚓粉|蝦紅素|PPLS|保健食品|磷蝦油|智勝王

發表迴響

你的電子郵件位址並不會被公開。 必要欄位標記為 *