【日職直擊】烏達卡美斯上身 FC東京YNWA

【日職直擊】烏達卡美斯上身 FC東京YNWA 2017年07月30日 19:57Tweet 東網電視更多新聞短片 即上日職刨績王:http://win.on.cc/jleague/ 周日(30日)上演嘅日職重頭戲,夠晒峰迴路轉,彼得烏達卡罪人變英雄射入靚波,協助FC東京主場以1比1逼和新潟天鵝!呢位33歲尼日利亞前鋒上半場連接失機,估唔到換邊後,佢個人表演由左路舞龍咁龍,帶入中路起腳射入,簡直係「美斯上身」!今場開賽前FC東京粉絲大唱You’ll never walk alone,仲着晒手機燈,堅好氣氛呀!今場係FC東京隊長高萩洋次郎第200場日職上陣,開波前特別為佢舉行獻花儀式,主場氣氛亦非常熾熱,球迷一齊唱歌打氣,並開着手機「電筒」揮動,場面壯觀。不過,卻由客軍新潟天鵝先開紀錄,踢到12分鐘,天鵝前鋒朗尼巴布沙開出罰球,泰亞高加夏度近門頂入。FC東京立即發動猛烈反擊,可惜中島翔哉勁射中柱,隊友彼得烏達卡補中破網,被判越位在先,入波無效,呢位今季新加盟嘅尼日利亞射手之後浪射兼連接失機,一度令球迷好失望。事實上,新潟天鵝防守相當穩陣,上半場成功保住1比0優勢。不過,FC東京下半場攻勢愈來愈入肉,中島翔哉扣入中路勁射,中楣彈落白界而出,呢位中場之後半單刀殺入禁區起腳,又被對手門將守田達彌擋出,認真冇運。天鵝靠打突擊,幾乎由朗尼巴布沙拉開紀錄,幸好東京門將林彰洋反應快化險為夷。FC東京大難不死,果然有後福,原本表現低沉嘅彼得烏達卡,踢到66分鐘突然發威,由左路突破殺入中路射門,省中對手改變方向入波,扳平1比1,令人拍爛手掌。彼得烏達卡可能搏得太盡,好快由前田遼一入替佢。FC東京原本有反勝良機,但室屋成近門頭槌攻門,被天鵝守將擋出,最終雙方打和1比1。即到彩報星club熱身賽專頁:http://win.on.cc/football/page/2017friendly/ 東網體育同你追實體壇每個精彩時刻! http://bit.ly/2ecTF2A 

分享更多閱讀請至以下|蚯蚓粉|蜂王乳|智勝王|台北醫美|地龍粉|蝦青素|PPLS|磷蝦油|地龍酵素|血栓溶解酵素|蝦紅素|膠骨力|力雪達|南極寶|膠股力|芙婷寶|青春元素

發表迴響

你的電子郵件位址並不會被公開。 必要欄位標記為 *