【日職直擊】大岩剛點石成金 睇好三將流歐

【日職直擊】大岩剛點石成金 睇好三將流歐 2017年07月26日 21:51Tweet 東網電視更多新聞短片 即上日職刨績王:http://win.on.cc/jleague/ 新官上任三把火,季初戰績未如人意嘅鹿島鹿角,自名宿大岩剛接手即谷底反彈,聯賽6仗未輸過兼贏咗5仗,佢話最緊要識「發功」,逼出眾將對比賽充滿飢渴感,佢到底點樣「發功」呀?上季勇奪日職總冠軍及日皇盃,並喺世冠盃決賽加時以2比4惜敗畀皇馬嘅鹿角,今季頭12仗聯賽輸5仗排中游,仲喺亞冠16強畀FC廣州淘汰,主帥石井正忠被炒,由球隊名宿大岩剛執爛攤子,點知聯賽即5勝1和未輸過,連盃賽更8場不敗,大岩剛話最緊要令球員明白,冇人係必然正選,激起內部良性競爭,只要佢哋對比賽有飢渴感,離成功就唔遠。近年日本續有好多球員外流歐洲各大聯賽,大岩剛認為依家嘅「瀛男」身體較為強壯,比上一代較容易同歐洲人抗衡,而佢睇好麾下嘅鈴木優磨丶安部裕葵及三竿健斗有能力去歐洲搵食。被大岩剛睇好嘅靚仔前鋒鈴木優磨,就話要入多啲波,先可吸引歐洲球隊垂青,但今季聯賽入得2粒,佢有信心下半季狀態會返晒嚟,呢位自細就視C朗為偶像嘅新星,坦言上年世冠盃決賽有機會同場較技堅興奮。至於後防新星昌子源,佢揚言今年季目標係替鹿角榮登三冠王寶座,贏晒聯賽丶日聯盃同日皇盃,先諗會否出國搵食。日本國家隊只要8月尾世盃外擊敗澳洲就出線,佢坦言有啲壓力,但會全力為國家搏到盡,並有信心只要keep住水準,可在日本隊站穩陣腳,亦會向老大哥丶修咸頓中堅吉田麻也多多學習。即到彩報星club熱身賽專頁: http://win.on.cc/football/page/2017friendly/ 東網體育同你追實體壇每個精彩時刻!http://bit.ly/2ecTF2A 

分享更多閱讀請至以下|青春元素|磷蝦油|蝦紅素|蜂王乳|力雪達|蚯蚓粉|蝦青素|台北醫美|智勝王|血栓溶解酵素|地龍酵素|蜂王漿|南極寶|地龍粉|膠骨力|PPLS|膠股力

發表迴響

你的電子郵件位址並不會被公開。 必要欄位標記為 *